www.alkader.net الموقع الرئيسي
اهلا وسهلا بك في المنتدى من فضل قم بالتسجيل

حسنة ام اللبن صارت سياسية

استعرض الموضوع السابق استعرض الموضوع التالي اذهب الى الأسفل

حسنة ام اللبن صارت سياسية

مُساهمة من طرف عراقي كردي في السبت أبريل 03, 2010 4:42 pm



عدنه شلون دوله وبيها حرية..!
حسنة ام اللبن صارت سياسية
حسنة شلون لعبت بالخلگ طوبة
راحت للسياسة وعافت الروبة
الفضائيات كلها عليها مگلوبه
وامريكة ياربي بيها مسبيّة
حسنة ام اللبن صارت سياسية

حسنة لفلفت كلشي بعبايتها
وسبعتالاف من تمشي حمايتها
بسوگ العورة متشكلة وزارتها
وحكومتها حكومة محو اميه
حسنة ام اللبن صارت سياسية

طلابتنا چبيره وحسنة حبابة
وبوش يگول هي تحل الطلابة
حسنة للحكم صعدت بدبابة
وگامت ترسملنه خطط امنية
حسنة ام اللبن صارت سياسية

ياناس على حسنة بعد مانعتب
لان مگرودة لا تقره ولا تكتب
ملتهية تفرهد بينه وتسلّب
وحصتها بنفطنه ألف بالميّه
حسنة ام اللبن صارت سياسية

ماندري ويه حسنة شلون تاليها
ياناس وتعبنة من بلاويها
لان دولتها حاميها حراميها
حظنه الوگعانه بحلگ واوية
حسنة ام اللبن صارت سياسية

گالوا حسنه راح تعالج الاحباط
وتذب شيلة فگرها وترد تلبس قاط
وتأسس حكومة كلها تكنوقراط
وتعالج بناء البنى التحتية
حسنة ام اللبن صارت سياسية

لبست قاطها وتسودنة حسنة
وردّت تزمخ علينه وتفارسنه
درجعلي للبن مو خرب واهسنه
عساها بخت من سواچ حزبية
حسنة ام اللبن صارت سياسية

_________________


بسكوتنا وبتخاذلنا اوشك مشهد هدم المسجد الأقصى قريبا
مازال هنالك فرصه لتغيير هذا المشهد السوداوي
كل يقاوم بإسلوبه وكل يرفع راية لبيك يا اقصى
لن يتحرر المسجد الأقصى بالكلام بل بالمقاومه
avatar
عراقي كردي
مشرف في المنتدى
مشرف في المنتدى

المساهمات : 74
تاريخ التسجيل : 15/03/2010
الموقع : www.alkader.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى