أولاد المنــــــاجم

mouyn كتب:

الوصيّة

الــــوصيّة

يــا قاري الجريدة وصحّاح الأوزان
أنا بلادي بعيدة وماعنديش أوطان
كي تشوف المناجم
والموت اللّي هاجم
يتنطّر ويداهم من غير إستئذان
وعرقنا وخلاّنا صاعد كي الدخّان
راسم وسط سمانا صورة ملأحزان
* * *
يــا قاري الجريدة وصحّاح الأوزان
أنا بلادي بعيدة وماعنديش أوطان
صحّح
* * *
ويحكي عمّي الهادي هو في الخمسين
دخل الكبّانية وعمرو في العشرين
والداموس مظلّم ما تشوفه العينين
يا ما نهار تعدّى ع الهادي المسكين
ما يعرفش علاش من 56 قال حياتي جملة تعدّت في الأغبان
* * *
يــا قاري الجريدة وصحّاح الأوزان
أنا بلادي بعيدة وماعنديش أوطان
صحّح
* * *
وقت اللّي جابوا خبرو على السكّة مجروح
ما صابش ينادي فرقت منّو الرّوح
باش يوصّي ولّدو لكن فات الفوت
خلاّلو الوصيّة فوق قبر الموت
إقراها يا عامر.. إقراها بالصّوت
وما تخلّيها تبقى عبرة للأزمان
* * *
يــا قاري الجريدة وصحّاح الأوزان
أنا بلادي بعيدة وماعنديش أوطان
صحّح
* * *
كي شدّ الوصيّة الخدّامة حضنوها
قالوا عامر أقرأ رفعوه وهزّوه
واللّي مات تعدّى في قبرو ردموه
والحيّ اللّي يبقى يدفع ديّة بوه
يصون الخدّامة ودموعه على بوه
والنار اللّي تشعل في قلبو شعلان
* * *
يــا قاري الجريدة وصحّاح الأوزان
أنا بلادي بعيدة وماعنديش أوطان
صحّح
* * *
إسمعني يا عامر هذا كلام باباك
لا خلاّلك تركة لا مال اللّي وراك
لا حرثة لا ورثة لا نخل وزيتون
كان الكسوة الزرقاء وآنبة الكاربون
برّا أخرج من المكتب وأخدم على أخواك
وهذي الكسوة الزرقة ترقّعها داداك
وهذي الكسوة الزرقة تغسلها داداك
وعمّر الكربيلة عندك الكربون
* * *
يــا قاري الجريدة وصحّاح الأوزان
أنا بلادي بعيدة وماعنديش أوطان
صحّح
* * *
عندي ليك هديّة توّ ليها زمان
خازنها في صبري في أكداس الأحزان
طلّعها يا عامر من تحت الأطلال
تلقاها مقرونة من عهد الألمان
كيف تولّي راجل وتهدّ البنيان
إطلع بالمقرونة تو تولّي إنسان
دغري تطلع ماشي تقضي ع السلطان
دغري
دغري تطلع ماشي تقضي ع السلطان
دغري
دغري تطلع ماشي تقضي ع السلطان
دغري
دغري تطلع ماشي تقضي ع السلطاااااااان

النقشبندي كتب:
عزيزي انت مشرف في المنتدى اتمنى تحط هذه القصيدة في قسم القصائد

عراقي كردي كتب:السلام عليكم جميعا

بعد اذن الاخ معين اضع الاغنيه بفلم مباشر
مع الشكر والتقدير